మండల లీగల్ సర్వీస్ కమిటీ భద్రాచలం ఆధ్వర్యంలో  మెగా హెల్త్ క్యాంపు.

భద్రాద్రి జిల్లా, చర్ల : లోకల్ గైడ్ :
భద్రాద్రి కొత్తగూడెం జిల్లా చర్ల మండలం పరిధిలో ఉన్న లింగాపురం పంచాయతీ మండల పరిషత్ ప్రాథమిక ఉన్నత పాఠశాలలో న్యాయ అవగాహన సదస్సు, మెగా హెల్త్ క్యాంప్ శనివారం యూత్ ఆధ్వర్యంలో నిర్వహించారు. ఈ కార్యక్రమానికి ముఖ్య అతిథిగా మండల లీగల్ సర్వీసెస్ కమిటీ చైర్మన్ ఫస్ట్ క్లాస్ మెజిస్ట్రేట్ భద్రాచలం జడ్జి శివనాయక్ పాల్గొన్నారు. ఈ సందర్భంగా ఆయన మాట్లాడుతూ చర్ల మండలంలో ఉన్న ఏజెన్సీ ఆదివాసి బడుగు బలహీన వర్గాల ప్రజలు ఆర్థికంగా ఇబ్బంది పడుతూ వైద్యం చేపించుకోలేని స్థితిలో ఉన్నారని, అందుకే ఈ మెగా హెల్త్ క్యాంప్ నిర్వహించినట్లు తెలిపారు. చర్ల మండల పరిషత్ అభివృద్ధి అధికారి (ఎంపీడీవో)ఈదయ్య ఈ మెగా క్యాంపు ఉద్దేశించి మాట్లాడారు. పాల్వంచ ఎల్ వి ప్రసాద్ కంటి వైద్యశాల మేనేజర్ దేవి, శంకర్రావు  ఆధ్వర్యంలో సిబ్బందితో లింగాపురం పాడు గ్రామంలో  ఐ క్యాంపు ఏర్పాటు చేసారని, చర్ల మండలంలో ఉన్న ప్రజలకు కంటి పరీక్షలు నిర్వహించి, మెరుగైన మందులు పంపిణీ చేసారని తెలిపారు. అనంతరం కొయ్యూరు పీ హెచ్ సీ హోమియోపతి డాక్టర్ గుండెపూడి పూజతో రోగులకు మెరుగైన వైద్యం చేసి, సైడ్ ఎఫెక్ట్స్ లేని హోమియోపతి మందులను ప్రజలకు అందించారు. ఈ కార్యక్రమాన్ని ఉద్దేశించి డిప్యూటీ డీ ఎం హెచ్ వో మల్లారపు శ్రీధర్, మాట్లాడుతూ ప్రజలు ప్రైవేట్ కార్పొరేట్ హాస్పటల్ కి పోకుండా ప్రభుత్వ ఆసుపత్రికి రావాలని, ఇక్కడ మెరుగైన వైద్యం, మందులు అందిస్తున్నారని తెలిపారు. ఈ కార్యక్రమాన్ని ఉద్దేశించి చర్ల ఎస్ఐ కేశవ్ మాట్లాడుతూ చర్ల మండల ప్రజలు ఈ మెగా హెల్త్ క్యాంప్ ని ఉపయోగించుకొని మెరుగైన వైద్యం పొందాలని సూచించారు. ఈ మెగా క్యాంప్ ఏర్పాటు చేసిన యువతకి,  భద్రాచలం జడ్జి శివ నాయక్ కి ప్రత్యేక అభినందనలు తెలియజేశారు. ఈ కార్యక్రమం విజయవంతం చేసిన లింగాపురం గ్రామపంచాయతీ సర్పంచ్ లకు ఉపసర్పంచ్ లకు ప్రత్యేక ధన్యవాదాలు తెలియజేశారు.   
 ఈ కార్యక్రమంలో  సీనియర్ న్యాయవాదులు అంబేద్కర్ తిరుమల రాజు,  ఆవులూరి సత్యనారాయణ,  పేరాల బండారు రమేష్,  సాధనపల్లి సతీష్, సంధ్య, శారద, బండ రామ లక్ష్మణ్, పరిటాల సంతోష్ ,  కోర్టు సిబ్బంది తదితరులు పాల్గొన్నారు.