గ్రామపంచాయతీ కార్మికుల ఉద్యమంపై నిర్బంధాన్ని ఖండించండి. 

నల్లగొండ ఉమ్మడి జిల్లా ప్రతినిధి. మార్చి 17. (లోకల్ గైడ్)

              గ్రామపంచాయతీ కార్మికులకు కాంగ్రెస్ పార్టీ ఎన్నికల ముందర ఇచ్చిన వేతనాల పెంపు హామీని అమలు చేయాలని, గ్రీన్ ఛానల్ ద్వారానే వేతనాలు ఇవ్వాలని డిమాండ్ చేస్తూ శాంతియుతంగా చలో హైదరాబాద్ వెళ్లిన కార్మికులను అరెస్టులు చేసి ఎక్కడికి ఎక్కడ నిర్బంధించడానికి తీవ్రంగా ఖండిస్తున్నామని తెలంగాణ గ్రామపంచాయతీ ఎంప్లాయిస్ అండ్ వర్కర్స్ యూనియన్ (సిఐటియు) జిల్లా కార్యదర్శి చిన్న పాక లక్ష్మీనారాయణ ఒక ప్రకటనలో తెలిపారు.
            మంగళవారం యూనియన్ రాష్ట్ర కమిటీ పిలుపుమేరకు తమ న్యాయమైన డిమాండ్ల సాధన కోసం చలో హైదరాబాద్ కు శాంతియుతంగా ధర్నా చేయడానికి వెళుతున్న కార్మికులను తెల్లవారుజాము నుంచి అరెస్టు చేసి హైదరాబాదులో ధర్నా చేయకుండా ఎక్కడికక్కడ అరెస్టు చేసి వివిధ పోలీస్ స్టేషన్ లో నిర్భందించడానికి ప్రజలు ప్రజాస్వామికవాదులు ఖండించాలని కోరారు. ఇందిరామరాజ్యం ప్రజా పాలన పేరు చెప్పి అధికారంలోకి వచ్చిన రేవంత్ రెడ్డి ఇచ్చిన హామీలను అమలు చేయమంటే అరెస్టులు చేయడం ఏంటని ప్రశ్నించారు. అసెంబ్లీ బడ్జెట్ సమావేశాలు జరుగుతున్నాయని అందులో కార్మికులకు వేతనాల పెంపు కోసం బడ్జెట్ కేటాయించి గ్రీన్ ఛానల్ ద్వారానే వేతనాలు చెల్లించాలని డిమాండ్ చేశారు. 
            కార్మికుల మెడ పై ఉరితాడు లాంటి మల్టీపర్పస్ విధానం రద్దు చేస్తామని ఆనాడు పోరాడుతుంటే మద్దతు ఇచ్చారని తము అధికారంలోకి వచ్చి రెండు సంవత్సరాలు గడిచిన అమలు చేయకపోగా ఉద్యమాలపై నిర్బంధాన్ని ప్రయోగించడం న్యాయం కాదని అన్నారు. అర్హత కలిగిన వారిని చేయాలని కనీస వేతనం 26 వేలు పెంచాలని ఇతర సమస్యలు పరిష్కరించాలని డిమాండ్ చేశారు. లేనియెడల ఈ పోరాటాన్ని మరింత ఉధృతం చేస్తామని హెచ్చరించారు. 
             ముషీరాబాద్ పోలీస్ స్టేషన్ లో అరెస్ట్ అయిన యాదాద్రి భువనగిరి, నల్లగొండ, జనగాం జిల్లా నాయకులు పొన్న అంజయ్య, ఇ ఎల్లేష, స్వామి, జ్ఞానేశ్వర్, ఏడుకొండలు, భాస్కర్, రమేష్, కవిత, అండాలు తదితరులు పాల్గొన్నారు.