శేరిలింగంపల్లి, (లోకల్ గైడ్ ప్రతినిధి కృష్ణ):
శేరిలింగంపల్లి నియోజకవర్గ పరిధిలోని ఓల్డ్ హఫీజ్ పేట్ జామియా మసీద్ కమిటీ సభ్యులు బుధవారం పిఏసి. చైర్మన్ అరికెపూడి గాంధీని వారి నివాసంలో మర్యాదపూర్వకంగా కలిశారు. ఈ సందర్భంగా మసీదుకు సంబంధించిన పలు పెండింగ్ సమస్యలు, స్థానిక అభివృద్ధి అంశాలను కమిటీ సభ్యులు ఎమ్మెల్యే దృష్టికి తీసుకెళ్లారు. మసీదు పరిసరాలలో అంతర్గత రోడ్డు నిర్మాణం, యుజిడి పైపులైన్ సహా ఇతర మౌలిక సదుపాయాల సమస్యలపై వినతిపత్రాన్ని సమర్పించారు. సభ్యుల విన్నపాలకు సానుకూలంగా స్పందించిన ఎమ్మెల్యే అరికెపూడి గాంధీ నియోజకవర్గంలోని అన్ని మతాల ప్రార్థనా స్థలాల అభివృద్ధికి ప్రభుత్వం కట్టుబడి ఉందని తెలిపారు. జామియా మసీద్ కమిటీ కోరిన సమస్యలను సంబంధిత అధికారులతో చర్చించి, త్వరితగతిన పరిష్కరించేందు కు చర్యలు తీసుకుంటామని భరోసా ఇచ్చారు. ఈ కార్యక్రమంలో జామియా మసీద్ కమిటీ అధ్యక్షులు మున్నాభాయ్, ఎస్.కె.నజీర్ (లిమ్రా), గౌస్, అక్రమ్, ఇబ్రహీం, అజం, నజీర్, మౌలిసాబ్, స్థానిక నాయకులు, ఇతర ముఖ్య సభ్యులు, తదితరులు పాల్గొన్నారు.
