శేరిలింగంపల్లి, (లోకల్ గైడ్ ప్రతినిధి కృష్ణ):
జాతీయ ఓటర్ల దినోత్సవాన్ని పురస్కరించుకుని ఫ్రెండ్స్ వెల్ఫేర్ అసోసియేషన్ ఆధ్వర్యంలో శేరిలింగంపల్లి ప్రభుత్వ డిగ్రీ కళాశాల, భేల్ టౌన్షిప్లో విద్యార్థులకు ఓటరు అవగాహన కార్యక్రమం నిర్వహించారు. ఈ కార్యక్రమానికి కళాశాల ప్రిన్సిపాల్ డాక్టర్ కవిత అధ్యక్షత వహించగా, విశ్రాంత ప్రభుత్వ డిగ్రీ కళాశాల ప్రిన్సిపాల్ డాక్టర్ పూలపల్లి వెంకటరమణ ముఖ్య అతిథిగా పాల్గొని భారత ఎన్నికల కమిషన్ విధులు, అధికారాలు, ఓటు హక్కు ప్రాధాన్యతపై వివరించారు. ప్రజాస్వామ్య పరిరక్షణకు ప్రతి పౌరుడు నిర్భయంగా, నిష్పక్షపాతంగా ఓటు హక్కును వినియోగించాలని, 18 సంవత్సరాలు నిండిన యువత ఫారం-6 ద్వారా ఓటరుగా నమోదు చేసుకోవాలని సూచించారు. ఈ సందర్భంగా విద్యార్థులతో ఓటు హక్కు ప్రతిజ్ఞ చేయించారు. ఈ కార్యక్రమంలో వైస్ ప్రిన్సిపాల్ డాక్టర్ అభిజిత్, అధ్యాపకులు డాక్టర్ అనురాధ, ప్రజ్వల, జనార్ధన్, ఫ్రెండ్స్ వెల్ఫేర్ అసోసియేషన్ సభ్యులు అమ్మయ్య చౌదరి, శివరామ కృష్ణ, తదితరులు పాల్గొన్నారు.
