గ్రామాల అభివృద్ధికి ప్రభుత్వం పెద్దపీట; ఎమ్మెల్యే ప్రకాష్ గౌడ్.

శంషాబాద్ ఫిబ్రవరి 9 (లోకల్ గైడ్);

శంషాబాద్ మండలం పాల్మకూల్ గ్రామంలో సోమవారం ఎమ్మెల్యే ప్రకాష్ గౌడ్  పలు అభివృద్ధి పనులకు శంకుస్థాపన చేశారు. గ్రామంలోని మహిళా సంఘాలు మరియు స్థానిక అవసరాల కోసం కేటాయించిన నిధులతో నిర్మించనున్న భవనాలకు ఆయన భూమి పూజ నిర్వహించారు. ఉపాధి హామీ పథకం ఎన్.ఆర్ఇజిఎస్ కింద మంజూరైన  నిధులతో గ్రామ 3 (వివో) భవన నిర్మాణానికి *30 లక్షల రూపాయలతో* శంకుస్థాపన చేశారు.
15వ ఆర్థిక సంఘం నిధుల నుండి కేటాయించిన *20 లక్షల రూపాయలతో* నిర్మించనున్న పల్లె దావకాన  భవనానికి కూడా భూమి పూజ నిర్వహించారు.
ఈ సందర్భంగా ఆయన మాట్లాడుతూ, గ్రామాల అభివృద్ధికి ప్రభుత్వం పెద్దపీట వేస్తోందని తెలిపారు.మహిళా సంఘాల బలోపేతానికి వివో భవనం ఎంతో దోహదపడుతుందని పేర్కొన్నారు. నిర్ణీత కాలపరిమితిలోగా నాణ్యతతో ఈ భవన నిర్మాణాలను పూర్తి చేయాలని అధికారులను ఆదేశించారు. ఈ కార్యక్రమంలో  సర్పంచ్ కట్కూరి కోటేశ్వర్ గౌడ్,
డిప్యూటీ సర్పంచ్ గూడెపు కుమార్ మరియు వార్డు సభ్యులు ఎంపీడీఓ మున్ని , జిల్లా వైద్యాధికారి లలితా దేవి , వివిధ గ్రామాల సర్పంచులు, మండల కాంగ్రెస్ నాయకులు ,పాలమాకుల గ్రామ కాంగ్రెస్ నాయకులు, గ్రామ ప్రజలు ఈ కార్యక్రమంలో పెద్ద ఎత్తున పాల్గొన్నారు
ఐటమ్ ఎండ్.