పరీక్ష కేంద్రాల వద్ద పటిష్టమైన బందోబస్తు....

మంచిర్యాల జిల్లా ప్రతినిధి (లోకల్ గైడ్)

ఇంటర్మీడియట్ వార్షిక పరీక్షల సందర్భంగా పరీక్ష కేంద్రాల వద్ద పటిష్టమైన పోలీస్ బందోబస్త్ ఏర్పాటు,సెక్షన్163 బి ఎన్ ఎస్ ఎస్(144సెక్షన్)అమలలో ఉన్నట్లు వన్ టౌన్ సిఐ కె శ్రీనివాస రావు తెలిపారు.మొబైల్ ఫోన్స్,ఎలక్ట్రానిక్ పరికరాలు ఎవరు తీసుకురావద్దని తెలిపారు.బెల్లంపల్లి పట్టణ పరిధిలోని మొత్తం పరీక్ష కేంద్రాల్లో
25నుండి18వరకు ఉదయం 9గంటల నుండి మధ్యాహ్నం 12గంటల వరకు పరీక్షలు నిర్వహించనున్నట్లు పేర్కొన్నారు.పరీక్షల సమయంలో ఎలాంటి అవాంఛనీయ సంఘటనలు జరగకుండా ముందస్తు జాగ్రత్త చర్యలుగా నిషేధాజ్ఞలు అమలులో ఉంటాయని తెలిపారు.పరీక్ష కేంద్రాల పరిసరాల్లో ముగ్గురు లేదా అంతకంటే ఎక్కువ మంది వ్యక్తులు గుమికూడరాదని,నిషేధిత వస్తువులతో పరీక్ష కేంద్రాల వద్ద తిరగడం నిషేధం అని,పరీక్ష కేంద్రాల నుండి 200మీటర్ల పరిధిలోని అన్ని జిరాక్స్ కేంద్రాలు 25నుండి18వరకు ప్రతిరోజు ఉదయం 8గంటల నుండి మధ్యాహ్నం1గంటల వరకు మూసివేయాలని ఆదేశించారు.పరీక్షలు ప్రశాంతంగా జరిగేలా అన్ని జాగ్రత్తలు తీసుకున్నామని,విద్యార్థులు పరీక్ష సమయం కన్నా అరగంట ముందే పరీక్ష కేంద్రాలకు చేరుకోవాలని సూచించారు.అదేవిదంగా పరీక్ష కేంద్రాల వద్ద మొబైల్ ఫోన్లు,ఎలక్ట్రానిక్ పరికరాలు తీసుకురావద్దని,కట్టుదిట్టమైన తనిఖీలు నిర్వహిస్తామన్నారు.ప్రశ్నాపత్రాల రవాణా,భద్రతా పరంగా ప్రత్యేక ఎస్కార్ట్ ను ఏర్పాటు చేశామన్నారు.సెంటర్ల పరిసర ప్రాంతాల్లో అనుమానాస్పద వ్యక్తులపై ప్రత్యేక నిఘా ఏర్పాటు చేసి ఎలాంటి ఘటనలు జరగకుండా చర్యలు తీసుకుంటామన్నారు.