‘మర్రి చెట్టు నీడలో మొక్కలు పెరుగవు’ అనే సామెత సిరాజ్ పరిస్థితికి సరిగ్గా సరిపోతుంది. జస్‌ప్రీత్‌ బుమ్రా వెలుగులో మహ్మద్ సిరాజ్‌కు తగిన గుర్తింపు రాలేదని అభిమానులు అంటున్నారు. వేగం, స్వింగ్, ఫిట్‌నెస్‌ ఏ కోణంలోనైనా బుమ్రాకు తక్కువేం కాదు. 2020లో ఆస్ట్రేలియాపై అరంగేట్రం చేసినప్పటి నుంచి సిరాజ్ భారత విజయాల్లో కీలక పాత్ర పోషిస్తున్నాడు.
ఇన్‌స్వింగ్‌, ఔట్‌స్వింగ్‌, వాబుల్‌సీమ్‌… ఏ బంతికైనా సిరాజ్ మాస్టర్‌. 38 టెస్టుల్లో 109 వికెట్లు తీశాడు. బుమ్రా ఉన్నప్పుడు 33.82 సగటు, కానీ బుమ్రా లేకుండా ఆ సగటు 25.20 కి దిగొచ్చింది. అంటే బుమ్రా లేనప్పుడే అతని అసలైన ప్రతిభ వెలుగులోకి వస్తోంది.
విదేశాల్లో అసలైన ఆయుధం
స్వదేశపు స్పిన్ పిచ్‌లకంటే విదేశాల్లోనే సిరాజ్ ప్రభావం ఎక్కువ. తీసిన 109 వికెట్లలో 90 విదేశాలవే.
ఎడ్జ్‌బాస్టన్‌ చరిత్ర
ఇంగ్లండ్‌తో ఎడ్జ్‌బాస్టన్‌ టెస్టులో, నిర్జీవ పిచ్‌పైనే సిరాజ్ ఆరు వికెట్లు తీసి ఇంగ్లండ్‌ తరుగులేపాడు. రెండు వరుస బంతుల్లో రూట్‌, స్టోక్స్‌లను ఔట్‌ చేయడం అభిమానులు మరచిపోలేరు.
తిరస్కారమే ప్రేరణగా
బోర్డర్‌-గవాస్కర్‌ సిరీస్‌ తర్వాత చాంపియన్స్‌ ట్రోఫీకి ఎంపిక కానప్పుడు, తన ప్రతిభను రంజీల్లో మరియు IPLలో ప్రూవ్‌ చేసుకున్నాడు. గుజరాత్‌ టైటాన్స్‌ తరఫున 16 వికెట్లు తీశాడు.
ఫీల్డింగ్‌లోనూ మెరుపులు
బర్మింగ్‌హామ్‌ టెస్టులో జడేజా బౌలింగ్‌లో జోష్‌ టంగ్‌ క్యాచ్‌ను ఒక్కచేత్తో దొరికించడం ‘జాంటీ సిరాజ్’ అనే సచిన్‌ కామెంట్‌కు కారణం.
About The Author
Related Posts
