జేఎన్ టి యూహెచ్ యూనివర్సిటీ బెస్ట్ ఫిజిక్ పురుషుల జట్టు ఎంపిక విజయవంతం..

ఎంపికైన క్రీడాకారులను అభినందించిన ప్రొఫెసర్ ఎన్ఎస్ దిలీప్,అసిస్టెంట్ ప్రొఫెసర్ నల్గొండ అశోక్..జేఎన్ టి యూహెచ్ యూనివర్సిటీ ఇండోర్ స్టేడియంలో బెస్ట్ ఫిజిక్ పురుషుల జట్టు ఎంపిక  నిర్వహించారు. ఈ ఎంపిక ప్రక్రియను స్పోర్ట్స్ కౌన్సిల్ సెక్రటరీ ప్రొఫెసర్ ఎన్ఎస్ దిలీప్,  అసిస్టెంట్ ప్రొఫెసర్ డాక్టర్ నల్గొండ అశోక్  ఆధ్వర్యంలో సమర్థవంతంగా నిర్వహించారు.
ఈ సెలక్షన్ ప్రక్రియకు చీఫ్ సెలెక్టర్‌గా వాగేశ్వరి ఇంజనీరింగ్ కాలేజ్ ఫిజికల్ డైరెక్టర్ శ్రీపాది దామోదర్  వ్యవహరించారు. ఈ ఎంపికల్లో ఎంపికైన క్రీడాకారులు, ఆంధ్రప్రదేశ్‌లోని ఆంధ్ర యూనివర్సిటీలో మార్చి 3వ తేదీ నుండి మార్చి 4వ తేదీ వరకు నిర్వహించబడే ఆల్ ఇండియా ఇంటర్ యూనివర్సిటీ బెస్ట్ ఫిజిక్ ఛాంపియన్‌షిప్‌లో జేఎన్టీయూహెచ్ తరఫున పాల్గొననున్నారు.
ఈ సందర్భంగా ప్రొఫెసర్ ఎన్ఎస్ దిలీప్  మాట్లాడుతూ, బెస్ట్ ఫిజిక్ క్రీడలో పాల్గొనాలంటే శారీరక దృఢత్వంతో పాటు క్రమశిక్షణ, నిరంతర కృషి ఎంతో అవసరమని తెలిపారు. క్రీడాకారులు కష్టపడి సాధన చేసి యూనివర్సిటీ కి  జాతీయ స్థాయిలో మంచి పేరు తీసుకురావాలని సూచించారు...