దామర్చేడ్ గ్రామంలో వైభవంగా రంజాన్ వేడుకలు

లోకల్ గైడ్/ బషీరాబాద్

​వికారాబాద్ జిల్లా బషీరాబాద్ మండల పరిధిలోని దామర్చేడ్ గ్రామంలో రంజాన్ (ఈద్-ఉల్-ఫితర్) పండుగ వేడుకలు అత్యంత భక్తిశ్రద్ధలతో జరిగాయి. నెల రోజుల పాటు కఠిన ఉపవాస దీక్షలు పూర్తి చేసుకున్న ముస్లిం సోదరులు, శనివారం ఉదయం స్థానిక ఈద్గా వద్ద సామూహిక ప్రార్థనలు నిర్వహించారు. నూతన వస్త్రాలు ధరించి, అల్లాహ్ నామస్మరణతో గ్రామంలో ఆధ్యాత్మిక వాతావరణం నెలకొంది.
​వెల్లివిరిసిన మత సామరస్యం
​ప్రార్థనల అనంతరం ముస్లిం సోదరులు ఒకరినొకరు ఆలింగనం చేసుకుంటూ "ఈద్ ముబారక్" శుభాకాంక్షలు తెలుపుకున్నారు. ఈ వేడుకల్లో హిందూ సోదరులు సైతం పాల్గొని ముస్లిం మిత్రులకు శుభాకాంక్షలు తెలిపారు. కులమతాలకు అతీతంగా అందరూ కలిసి మెలిసి పండుగ జరుపుకోవడం ద్వారా దామర్చేడ్‌ మత సామరస్యం వెల్లివిరిసింది.  గ్రామంలో శాంతి సౌభాగ్యాలు వర్ధిల్లాలని, అందరూ సుఖసంతోషాలతో ఉండాలని ఈ సందర్భంగా నాయకులు ఆకాంక్షించారు.ఈ కార్యక్రమంలో
 ఉప సర్పంచ్ సిహెచ్, రవీందర్, వార్డు మెంబర్స్ కొవ్వూరు నరేష్, నాడేపల్లి వెంకటయ్య, బిఆర్ఎస్ పార్టీ నాయకులు శ్రీనివాస్ రెడ్డి, పంచర్ షాప్ బాబా,శ్రీనివాస్ రెడ్డి,
​పత్రిక విలేకర్ శ్యామ్, యువకులు గోవర్ధన్,నరేష్, శాంతు తదితరులు పాల్గొన్నారు.