రైతు వ్యతిరేక నిర్ణయాలు వెంటనే ఉపసంహరించాలి.

లోకల్ గైడ్ కేశంపేట్.

నాలుగు నెలలుగా మొక్కజొన్న రైతుల చెమటోడ్చిన శ్రమకు గానూ రావాల్సిన డబ్బులు ఖాతాల్లో జమ చేయకుండా, రైతుబంధు నిధుల విషయంలో “ఇప్పుడు–అప్పుడు” అంటూ కాలయాపన చేస్తున్న కాంగ్రెస్ ప్రభుత్వ రైతు వ్యతిరేక, నిర్లక్ష్య వైఖరిపై తీవ్ర ఆగ్రహం వ్యక్తం చేస్తూ మాజీ ఎమ్మెల్యే అంజయ్య యాదవ్ గారి పిలుపుమేరకు బీఆర్ఎస్ సీనియర్ నాయకులు రవీందర్ యాదవ్ గారి ఆధ్వర్యంలో కేశంపేట మండలం కేంద్రంలో స్థానిక బీఆర్ఎస్ శ్రేణులతో కలిసి ధర్నా కార్యక్రమం నిర్వహించడం జరిగింది.
ఈ సందర్భంగా రవీందర్ యాదవ్ మాట్లాడుతూ రైతుల కష్టాన్ని లెక్కచేయని ఈ ప్రభుత్వం వెంటనే మొక్కజొన్న రైతుల పెండింగ్ చెల్లింపులు విడుదల చేయాలని, రైతుబంధు నిధులను తక్షణమే జమ చేయాలని గట్టిగా డిమాండ్ చేశారు. రైతుల సమస్యలను పరిష్కరించడంలో విఫలమైన కాంగ్రెస్ ప్రభుత్వం నైతిక బాధ్యత తీసుకోవాలని హెచ్చరించారు.
అదే విదంగా రైతు వ్యతిరేక నిర్ణయాలు వెంటనే ఉపసంహరించాలి! రైతుల డబ్బులు వెంటనే విడుదల చేయాలి! లేదంటే బీఆర్ఎస్ పార్టీ ఆందోళనలను మరింత ఉధృతం చేస్తుందని అన్నారు. ఈ కార్యక్రమంలో బీఆర్ఎస్ మండల అధ్యక్షులు మురళీధర్ రెడ్డి, మాజీ పీఎసీఎస్ చైర్మన్ జగదీశ్వర్ గౌడ్, మాజీ మార్కెట్ వైస్ చైర్మన్ లక్ష్మీనారాయణ గౌడ్, ఆయా గ్రామాల సర్పంచులు, మాజీ సర్పంచులు, మాజీ ఎంపీటీసీలు, వార్డు సభ్యులు, బీఆర్ఎస్ నాయకులు, కార్యకర్తలు పాల్గొన్నారు.