మియాపూర్‌లో వీధి దీపాల కొరత, హెచ్‌ఎంటి నుంచి జెపి నగర్ వరకు ప్రమాదకర పరిస్థితులు

శేరిలింగంపల్లి, (లోకల్ గైడ్ ప్రతినిధి కృష్ణ):

మియాపూర్ సర్కిల్ పరిధిలోని హెచ్‌ఎంటి నుంచి జెపి నగర్ వరకు ఉన్న ప్రధాన రహదారిలో వీధి దీపాల కొరత కారణంగా స్థానిక ప్రజలు తీవ్ర ఇబ్బందులు ఎదుర్కొంటున్నారని భారతీయ జనతా పార్టీ నాయకులు తెలిపారు. ఈ మేరకు డిప్యూటీ కమిషనర్ కు వినతిపత్రం సమర్పించారు. ఈ సందర్భంగా వారు మాట్లాడుతూ..రాత్రి సమయంలో చీకటి ఎక్కువగా ఉండటంతో పాదచారులు, వాహనదారులు ప్రమాదాలకు గురయ్యే అవకాశం ఉందని, భద్రతా సమస్యలు కూడా పెరుగుతున్నాయని వారు పేర్కొన్నారు. ముఖ్యంగా మహిళలు, వృద్ధులు తీవ్ర అసౌకర్యానికి గురవుతున్నారని తెలిపారు. అందువల్ల, అవసరమైన ప్రదేశాలలో కొత్త వీధి దీపాలు ఏర్పాటు చేయడంతో పాటు పనిచేయని దీపాలను తక్షణమే మరమ్మతులు చేయించాలని కోరారు. అలాగే ప్రధాన కూడళ్ల వద్ద హైమాస్ట్ దీపాలను ఏర్పాటు చేయాలని విజ్ఞప్తి చేశారు. ఈ సమస్యను అత్యవసరంగా పరిగణించి తగిన చర్యలు తీసుకోవాలని అధికారులు కోరుతూ ఈ వినతి సమర్పించారు. ఈ కార్యక్రమంలో బీజేపీ ఉమ్మడి మియాపూర్ డివిజన్ తరఫున ఆకుల లక్ష్మణ్ ముదిరాజ్, గుండె గణేష్ ముదిరాజ్, జాజార శ్రీనివాస్, తదితరులు పాల్గొన్నారు.