వృద్ధాప్యంలోనూ వీడని చేయి..ప్రేమంటే ఇదేగా!

హైదరాబాద్, (లోకల్ గైడ్ ప్రతినిధి కృష్ణ):

ప్రేమ అంటే యవ్వనంలో కలిగే ఆకర్షణ మాత్రమే కాదని, జీవితాంతం ఒకరికొకరు తోడుగా నిలబడటమే నిజమైన ప్రేమని ఈ వృద్ధ దంపతులు నిరూపిస్తున్నారు. వయస్సు మీద పడినప్పటికీ, అనారోగ్యంతో ఆసుపత్రిలో చికిత్స పొందుతున్న సందర్భంలోనూ ఒకరి చేయి మరొకరు వదలకుండా ఆసరాగా నిలవడం నేటి సమాజానికి గొప్ప సందేశంగా మారింది. అందం, ఐశ్వర్యం, శారీరక శక్తి కాలక్రమేణా తగ్గిపోవచ్చు. కానీ ‘నేనున్నాను’ అనే భరోసా మనసుకు ఇచ్చే ధైర్యమే అసలైన ప్రేమ అని ఈ జంట తమ జీవన ప్రయాణంతో తెలియజేస్తోంది. ఆసుపత్రి మంచంపై ఉన్నా, బాధలో ఉన్నా ఒకరి కళ్లలోకి మరొకరు చూసుకుంటూ పంచుకునే అనురాగం నెటిజన్ల హృదయాలను హత్తుకుంటోంది. నేటి కాలంలో చిన్న చిన్న కారణాలకే వివాహ బంధాలు తెగిపోతున్న వేళ, ఈ వృద్ధ జంట చూపిస్తున్న సహనం, అర్థం చేసుకునే గుణం, పరస్పర నమ్మకం కొత్త తరం దంపతులకు ఆదర్శంగా నిలుస్తోంది. వివాహం అంటే కేవలం వేడుకలు, ఫోటోలు, ఆర్భాటం మాత్రమే కాదు,  కష్టసుఖాలలో తోడుగా నిలబడే బాధ్యత అని వీరి జీవితం స్పష్టంగా చెబుతోంది. ప్రేమకు వయస్సు అడ్డుకాదని, చివరి శ్వాస వరకూ ఒకరికొకరు ఆసరాగా ఉండడమే నిజమైన దాంపత్యం అని ఈ వృద్ధ జంట నిరూపిస్తోంది. అందుకే నెటిజన్లు వీరిపై ప్రశంసల వర్షం కురిపిస్తూ, ఇదే నిజమైన ప్రేమ అంటూ అభినందనలు తెలుపుతున్నారు.