ఇరాన్–ఇజ్రాయెల్ యుద్ధం: 4,400 మందికి పైగా భారతీయులను రప్పించిన ఆపరేషన్ సింధు

లోక‌ల్ గైడ్:

కేంద్ర ప్రభుత్వం వెల్లడించిన వివరాల ప్రకారం,

• జూన్ 18 నుంచి 26 వరకు

• 19 ప్రత్యేక విమానాల ద్వారా

• మొత్తం 4,415 మంది తరలించబడ్డారు.

వారిలో:

• ఇరాన్ నుంచి – 3,597 మంది

• ఇజ్రాయెల్ నుంచి – 818 మంది

తదుపరి వివరాలు ఇలా ఉన్నాయి:

• 14 మంది OCI కార్డుదారులు

• 9 మంది నేపాలీలు

• 4 మంది శ్రీలంక జాతీయులు

• 1,500 మంది మహిళలు, 500 మంది చిన్నారులు

ఇరాన్‌లో టెహ్రాన్‌, యెరెవాన్‌, అష్గాబాత్ ప్రాంతాల్లో చిక్కుకున్న వారిని ఆర్మేనియా, తుర్క్‌మెనిస్తాన్ సరిహద్దుల ద్వారా భారత్‌కు తరలించారు. ఈ సందర్భంగా తన గగనతలాన్ని అందుబాటులో ఉంచిన ఇరాన్‌కు విదేశాంగ శాఖ కృతజ్ఞతలు తెలిపింది.

ఇజ్రాయెల్ నుంచి భారతీయుల తరలింపు జూన్ 23న ప్రారంభమైంది. టెల్ అవీవ్‌, రామల్లా, అమ్మాన్, కైరోల నుంచి జోర్డాన్, ఈజిప్ట్ సరిహద్దుల మీదుగా 818 మంది విద్యార్థులు, కార్మికులు, నిపుణులు తరలించబడ్డారు. జూన్ 22–25 మధ్య మూడు IAF C-17 విమానాలు, మొత్తం నాలుగు ప్రత్యేక విమానాలు ఈ పని కోసం వినియోగించారు.

ప్రస్తుతం ఇరాన్–ఇజ్రాయెల్ మధ్య కాల్పుల విరమణ కారణంగా పశ్చిమాసియాలో ఉద్రిక్తతలు కొంత తగ్గాయి. అందువల్ల ఆపరేషన్ సింధుకు తాత్కాలిక విరామం ఇవ్వబడినట్టు అధికారులు తెలిపారు.