పరిగి, (లోకల్ గైడ్ ప్రతినిధి కృష్ణ): పరిగి నియోజకవర్గంలోని పూడూరు మండలంలో గల కేరవెల్లి నూతన గ్రామ పంచాయతీ సర్పంచ్గా కాటం రామచంద్రయ్య యాదవ్ ఎన్నికైన సందర్భంగా తెలంగాణ రాష్ట్ర బీసీ ఐక్యవేదిక ఆధ్వర్యంలో ఘనంగా సన్మాన కార్యక్రమం నిర్వహించారు. ఈ సందర్భంగా బీసీ ఐక్యవేదిక రాష్ట్ర నాయకులు భేరి రామచంద్ర యాదవ్ మాట్లాడుతూ..ఇటీవల జరిగిన స్థానిక సంస్థల ఎన్నికలలో బీసీలు అధిక సంఖ్యలో గెలవడం ఎంతో సంతోషకరమని తెలిపారు. బీసీల ఐక్యత కొనసాగితే రానున్న రోజులలో ఎంపీటీసీ, జడ్పిటీసీ, కౌన్సిలర్, మున్సిపల్ చైర్మన్, గ్రేటర్ హైదరాబాద్లో కార్పొరేటర్ స్థాయిలలో కూడా బీసీలు భారీ ఎత్తున గెలవగలరని ఆశాభావం వ్యక్తం చేశారు. ఇందుకు అన్ని బీసీ సంఘాలు సమన్వయంతో పనిచేయాల ని పిలుపునిచ్చారు. ఈ కార్యక్రమంలో నూతన సర్పంచ్ కాటం రామచంద్రయ్య యాదవ్ను శాలువాతో ఘనంగా సత్కరించారు. అలాగే కేరవెల్లి గ్రామ వార్డ్ మెంబర్ భోగవని రాఘవేందర్ యాదవ్ను కూడా శాలువాతో సన్మానించి, భవిష్యత్తులో మరింత ఉన్నత పదవులు సాధించాలని ఆకాంక్షించారు. ఈ కార్యక్రమంలో కాటం రామచంద్రయ్య యాదవ్ (సర్పంచ్, కేరవెల్లి),
భోగవని రాఘవేందర్ యాదవ్ (వార్డ్ మెంబర్, కేరవెల్లి),భేరి ఆంజనేయులు యాదవ్ (మిట్టకంకల్ యువజన సంఘం), కొజ్జ భాస్కర్, నవాజ్ (ఎమ్మెల్యే పీఏ), ఇబ్రహీం, తదితరులు పాల్గొని కార్యక్రమాన్ని విజయవంతం చేశారు.
