దుబ్బతండ పంచాయతీలో ఉపాధి హామీ పనులు ప్రారంభం  -సర్పంచ్ మత్రు నాయక్ 

ఖమ్మం జిల్లా, కారేపల్లి : లోకల్ గైడ్, ఫిబ్రవరి 2 :

సింగరేణి మండల  పరిధిలోని  దుబ్బతండ గ్రామ పంచాయతీలో  ఉపాధి హామీ  పనులు  సోమవారం ఘనంగా  ప్రారంభించడం జరిగింది. గ్రామ  సర్పంచ్  ఆంగోత్  మత్రు  పార  పట్టి పనులను  ప్రారంభించీ   మాట్లాడుతూ, గ్రామంలోని అర్హులైన  ప్రతి  కూలీకి  ఉపాధి కల్పించడమే  తమ  ముఖ్య లక్ష్యమని  తెలిపారు.  గ్రామ అభివృద్ధికి  ఉపాధి  హామీ  పథకం  ఎంతో   దోహదపడుతుందని,  కూలీలు ప్రభుత్వం  కల్పించిన  ఈ అవకాశాన్ని  సద్వినియోగం చేసుకొని  తమ  కుటుంబాల ఆర్థిక  స్థితిని  మెరుగుపరచుకోవాలని  కోరారు.
గ్రామంలో  రహదారుల మరమ్మత్తులు,  చెరువుల శుభ్రత,  కాలువల  నిర్మాణం, చెట్లు  నాటడం  వంటి  అభివృద్ధి పనులను  చేపట్టనున్నట్లు   తెలిపారు. ఈ  పనులు  గ్రామ అభివృద్ధికి  తోడ్పడటంతో  పాటు పర్యావరణ  పరిరక్షణకు  కూడా ఉపయోగపడతాయని  చెప్పారు.
వేసవి  తీవ్రత  దృష్ట్యా  పని ప్రదేశాల్లో  తాగునీరు,  నీడ, ప్రథమ  చికిత్స  వంటి సౌకర్యాలు  తప్పనిసరిగా ఉండేలా  చూడాలని అధికారులను  అదేశించీనాడు. కూలీలకు  సమయానికి   వేతనాలు  చెల్లించేలా  చర్యలు తీసుకోవాలని  సూచించారు.
పనులు నాణ్యతతో, పారదర్శకంగా పూర్తి చేయాలని, గ్రామ ప్రజలందరూ కలిసి అభివృద్ధి కార్యక్రమాల్లో భాగస్వాములు కావాలని సర్పంచ్ పిలుపునిచ్చారు.