లోకల్ గైడ్ కేశంపేట :
ఈ సందర్భంగా ఆమె మాట్లాడుతూ, మహాశివరాత్రి వంటి పర్వదినాల్లో గ్రామీణ సంప్రదాయాలను ప్రతిబింబించే బండలాగుడు పోటీలు నిర్వహించడం ఆనందదాయకమని పేర్కొన్నారు. ఇటువంటి కార్యక్రమాలు గ్రామీణ క్రీడలను ప్రోత్సహించడంతో పాటు యువతలో ఉత్సాహాన్ని పెంపొందిస్తాయని అన్నారు. గ్రామంలో ఐక్యత, సాంస్కృతిక పరంపరలను కాపాడటంలో ఈ పోటీలు ముఖ్య పాత్ర పోషిస్తాయని తెలిపారు.
ఈ కార్యక్రమంలో గ్రామ సర్పంచ్ సురేష్ రెడ్డి, డిప్యూటీ సర్పంచ్ మల్లేష్, కమిటీ అధ్యక్షులు మరియు సభ్యులు, శ్రీనివాస్, మాధపురం మల్లేష్, తిరుమల రెడ్డి వెంకటేష్, చేగురి శ్రీశైలం, పాండు, ఆర్ శంకరయ్య, ఏ చంద్రశేఖర్, నరేష్ కుమార్, కుమ్మరి రాజు, మహేందర్ తదితరులు పాల్గొన్నారు. అలాగే గ్రామస్తులు పెద్ద సంఖ్యలో హాజరై పోటీలను ఆసక్తిగా వీక్షించారు.
బండలాగుడు పోటీలు ఉత్సాహభరితంగా కొనసాగుతూ ప్రేక్షకులను ఆకట్టుకున్నాయి. గ్రామంలో పండుగ వాతావరణం నెలకొని, పాల్గొన్న వారిలో ఆనందం వెల్లివిరిసింది.
About The Author
