శ్వేత పాండురంగా రెడ్డి గెలుపు కోసం కాంగ్రెస్ నాయకుల విస్తృత ప్రచారం.

శంకర్ పల్లి, (లోకల్ గైడ్ ప్రతినిధి కృష్ణ):

శంకర్‌పల్లి మునిసిపాలిటీ పరిధిలోని వార్డు నెంబర్‌ 14లో కాంగ్రెస్ పార్టీ కౌన్సిలర్ అభ్యర్థి శ్వేత పాండురంగా రెడ్డి గెలుపు కోసం కాంగ్రెస్ పార్టీ నాయకులు విస్తృత ఎన్నికల ప్రచారం నిర్వహించారు. ఈ ప్రచార కార్యక్రమంలో సంగారెడ్డి జిల్లా డీసీసీ వర్కింగ్ ప్రెసిడెంట్ పర్స శ్యామ్ రావు ముఖ్య అతిథిగా పాల్గొన్నారు. ఈ సందర్భంగా నాయకులు నరేందర్ రెడ్డి, శ్రీధర్ రెడ్డి, నవారి భుజంగ రెడ్డి, రెడ్డి రాంచందర్ రెడ్డి తదితరులు పాల్గొని వార్డు పరిధిలో ఇంటింటా తిరుగుతూ ప్రజలను కలిశారు. కాంగ్రెస్ ప్రభుత్వం అమలు చేస్తున్న అభివృద్ధి కార్యక్రమాలు, ప్రజా సంక్షేమ పథకాల వివరాలను ప్రజలకు వివరిస్తూ, రానున్న మునిసిపల్ ఎన్నికలలో కాంగ్రెస్ పార్టీకి మద్దతు తెలపాలని కోరారు. కాంగ్రెస్ ప్రభుత్వం ప్రజల సంక్షేమమే ధ్యేయంగా పని చేస్తోందని, ప్రతి వర్గానికి న్యాయం చేసే విధంగా పాలన సాగిస్తున్నదని నాయకులు ఈ సందర్భంగా తెలిపారు. వార్డు అభివృద్ధి, మౌలిక సదుపాయా ల కల్పనలో శ్వేత పాండురంగా రెడ్డి కీలక పాత్ర పోషిస్తారని వారు విశ్వాసం వ్యక్తం చేశారు. ఈ ప్రచార కార్యక్రమంలో మహిళలు పెద్ద సంఖ్యలో పాల్గొని కాంగ్రెస్ పార్టీకి మద్దతుగా నిలిచారు. కాంగ్రెస్ పార్టీ విజయం సాధించి శ్వేత పాండురంగా రెడ్డి గెలుపు ఖాయమని నాయకులు ధీమా వ్యక్తం చేశారు.