దుమ్ముగూడెం : లోకల్ గైడ్ :
దుమ్ముగూడెం మండలం పర్ణశాల రైతు వేదికలో మంగళవారం సహజ వ్యవసాయం పై ఒకరోజు ఓరియంటేషన్ శిక్షణ కార్యక్రమం నిర్వహించారు. ఈ కార్యక్రమాన్ని జిల్లా వ్యవసాయ శాఖ అధికారి బాబురావు ప్రారంభించి రైతులకు మార్గదర్శకత్వం అందించారు.
శిక్షణలో భాగంగా సహజ వ్యవసాయం పద్ధతులు, వాటి ప్రాముఖ్యత, ఖర్చు తగ్గింపు విధానాలు, నేల ఆరోగ్య పరిరక్షణ వంటి అంశాలపై అధికారులు రైతులకు సవివరంగా అవగాహన కల్పించారు. రసాయన ఎరువులు తగ్గించి సహజ వనరులను వినియోగించడం ద్వారా మంచి దిగుబడులు సాధించవచ్చని తెలిపారు. ఈ సందర్భంగా శిక్షణలో పాల్గొన్న రైతులకు అవసరమైన వ్యవసాయ కిట్లను పంపిణీ చేశారు. రైతులు సహజ వ్యవసాయాన్ని ఆచరణలో పెట్టి స్థిరమైన వ్యవసాయ విధానాల వైపు ముందడుగు వేయాలని బాబురావు సూచించారు.
