లోకల్ గైడ్/బంట్వారం:
భరతమాత ముద్దుబిడ్డ, ధైర్యానికి–దేశభక్తికి మారుపేరైన ఛత్రపతి శివాజీ మహారాజ్ జయంతి వేడుకలు గురువారం ఘనంగా నిర్వహించబడ్డాయి.బంట్వారం మండల కేంద్రంలో స్థానిక ప్రజాప్రతినిధులు, యువత, వివిధ సంఘాల నాయకులు పాల్గొని శివాజీ మహారాజ్ చిత్రపటానికి,పూలమాలలు వేసి ఘనంగా నివాళులు అర్పించారు. అనంతరం మండల కేంద్రంలో ర్యాలీ నిర్వహించి దేశభక్తి నినాదాలతో మార్మోగించారు.ఈ సందర్భంగా పలువురు మాట్లాడుతూ..శివాజీ మహారాజ్ ధైర్యసాహసాలు, పరాక్రమం, స్వరాజ్య స్థాపనలో చేసిన త్యాగాలను స్మరించారు. యువత శివాజీ స్ఫూర్తిని ఆదర్శంగా తీసుకుని దేశ అభివృద్ధికి కృషి చేయాలని పిలుపునిచ్చారు.శివాజీ మహారాజ్ స్ఫూర్తిని చాటుతూ జరిగిన ఈ జయంతి వేడుకలు ఉత్సాహభరిత వాతావరణంలో ముగిశాయి. ఈ కార్యక్రమంలో ప్రజాప్రతినిధులు,వివిధ సంఘాల నాయకులు,యువత,గ్రామస్తులు, తదితరులు పాల్గొన్నారు.
