*
లోకల్ గైడ్ కొత్తూరు.
భావితరాల ఉజ్వల భవిష్యత్తు, చిన్నారుల మానసిక వికాసం కోసం తప్పనిసరిగా అంగన్వాడీ కేంద్రాల్లో చేర్పించాలని ఇముల నర్వ సర్పంచ్ లలిత గోపాల్ నాయక్ అన్నారు. బుధవారం కొత్తూరు మండలంలోని ఇముల నర్వ అంగన్వాడి కేంద్రంలో సూపర్వైజర్ రేవతి ఆధ్వర్యంలో ఏర్పాటుచేసిన కార్యక్రమానికి ముఖ్య అతిథులుగా సర్పంచ్ లలిత గోపాల్ నాయక్,ఉపసర్పంచ్ ఎస్.డి సిరాజ్ హాజరై ప్రీస్కూల్ గ్రాడ్యుయేషన్ డే వేడుకలు నిర్వహించారు. అనంతరం చిన్నారులకు ఉపసర్పంచ్ ఎస్.డి సిరాజ్ భోజన వసతి ఏర్పాటు చేశారు.ఈ సందర్భంగా వారు మాట్లాడుతూ..మూడేళ్లలోపు చిన్నారులను అంగన్వాడీలకు పంపించాలని, చిన్నారుల మానసిక, వ్యక్తిత్వ వికాసం వృద్ధి చెందుతుందన్నారు.ఈ కార్యక్రమంలో వార్డ్ సభ్యులు, కాంగ్రెస్ పార్టీ నాయకులు రవికుమార్ గుప్తా,నాట్కో ట్రస్ట్ సూపర్వైజర్ ఉమారాణి,జ్యోతి, ధరణి, అంగన్వాడి టీచర్లు యాదమ్మ,శోభ,ఇందిరా,నాట్కో వాలంటీర్స్ సరిత,కరుణ, యమున,రాధిక, ఏఎన్ఎమ్స్ ఆశా వర్కర్స్, గ్రామ పెద్దలు తదితరులు పాల్గొన్నారు.
About The Author
