భూమి సారమే భవిష్యత్తు – సేంద్రియ మార్గంలో ముందుకు నాక్రో బయోటెక్

కుత్బుల్లాపూర్ ఫిబ్రవరి 18 (లోకల్ గైడ్ ప్రతినిధి) 

నాక్రో బయోటెక్ సంస్థ ఆధ్వర్యంలో “భూమికి జీవం – రేపటి తరానికి జీవనాధారం” అనే అంశంపై రైతులకు అవగాహన కార్యక్రమం ఈరోజు హైదరాబాద్ ప్రెస్‌క్లబ్‌లో జరిగింది. ఈ కార్యక్రమంలో సేంద్రియ ఎరువులు, జీవ ఎరువులు మరియు రసాయన ఎరువుల మధ్య తేడాలను వివరించారునిపుణులు మాట్లాడుతూ — రసాయన ఎరువులు భూమి సారాన్ని తగ్గిస్తాయని, అయితే సేంద్రియ ఎరువులు భూమికి జీవం నింపుతాయని చెప్పారు. సహజ ఎరువుల వాడకంతో పంటల ఉత్పత్తి పెరిగి, భూమి సారధ్యం సుస్థిరమవుతుందని వివరించారు. రైతులు రసాయనాలపై ఆధారపడకుండా, సేంద్రియ మార్గంలో సాగు చేస్తేనే భవిష్యత్తు తరాలకు ఆరోగ్యకరమైన ఆహారం అందుతుందని అన్నారు.కార్యక్రమంలో నాక్రో బయోటెక్ ప్రతినిధులు మాట్లాడుతూ — “భూమి బలంగా ఉంటే రైతు బలంగా ఉంటాడు, రైతు బలంగా ఉంటే దేశం బలంగా ఉంటుంది” అని పిలుపునిచ్చారు. సేంద్రియ వ్యవసాయం భూమిని కాపాడడమే కాక, రైతు ఆదాయాన్ని పెంచే మార్గమని పేర్కొన్నారు.
రైతులు ఈ మార్పులో భాగమవ్వాలని, సేంద్రియ పద్ధతుల ద్వారా సహజ సంపదను కాపాడి పర్యావరణ సమతుల్యతను నిలబెట్టాలని నిర్వాహకులు పిలుపునిచ్చారు.